Hello mere pyare dosto, Is post me mai aaplogo ke liye ek do murge ki chhoti si hindi new kahani likh raha hun. Ye ek prernadayak hindi kahani hai aur is kahani se hume ek nayi sikh milegi.

To aaiye sure karte hai is chhoti si magar bahut hi achhi kahani ko, ye kahani hai do murge ki…

Ek baar ki baat hai. Ek jungle me do murge rahte the. Dono me kafi achhi dosti thi. Ek din dono aapas me baat karte-karte apni-apni majbuti ka dawa karne lage.

Unme se ek murge ne bola- “Chalo, Maidan me kudo, Wahan pata chal jayega ki kon kitna jyada mazbut hai.”

Is baat ko sunte hi dusra murga gusse me jamin par kud para aur phir pahle murge ko lalkar kar bulane laga. Dusra murga bhi jamin par kud para. Ab dono murge aamne- saamne the.

Dono murge ke bich jam kar ladai ho rahi thi. Isi bich dusre murge ne pahle murge ko dharashayi kar diya aur khusi ke mare uchhal- uchhal kar ghayal murge ko taane marne laga. Isi bich upar se ek baaj is murge ko uchhalta dekh turant niche aaya aur jhapat kar usko apni chonch me pakar kar aasman me le uda. Is tarah us murge ki jaan chali gayi.

Moral of the story : Is do murge ki kahani se hume yahi sikh milti hai ki kabhi bhi kisi chiz ka abhiman ya ghamand nhi karna chahiye, nhi to uska parinaam kafi bura hota hai.

Ummid hai aaplogo ko ye do murge ki hindi kahani achhi lagi hogi. Kripya apne vichar comment me likhe. Aisi hi aur achhi achhi kahaniyo ke hindimoralstory.com ko visit kare. Thanks.